Aksident mes trenit dhe automjetit në Fushë Kosovë
Një aksident mes një treni dhe një automjeti ka ndodhur sot në rrugën “Pajazit Islami” në Fushë Kosovë.
Lajmin për media e ka konfirmuar zëdhënësi i policisë për rajonin e Prishtinës Agron Borovci.
Borovci tha se nuk ka të lënduar nga ky rast.
“Rreth orës 14:15, kemi pranuar informatën për një aksident trafiku të ndodhur në rrugën “Pajazit Islami” në vendkalimin hekurudhor në Fushë Kosovë.
Në aksident janë përfshirë një tren dhe një automjet.
Nuk raportohet për të lënduar pëtveç dëmeve materiale.
Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, ka thënë Borovci.
