Ballkani sonte ndeshje historike në Ligën e Kampionëve

Kampioni i Kosovës në futboll, FC Ballkani sonte do të përballet në një ndeshje historike ndaj skuadrës nga Bullgaria, Ludogorets.

Të përzgjedhurit e Ilir Dajës do të tentojnë sonte të bëjnë befasi dhe ta mposhtin Ludogoretsin në Fadil Vokrri.

Ballkani vitin e kaluar në Evropë, kishte një sukses të jashtëzakonshëm duke u kualifikuar në grupet e Ligës së Konferencës.

Ndërsa këtë vit do të kenë punë mjaft të vështirë me Ludogoretsin, pasi dihet që Ludogorets shpesh merr pjesë në grupet e Ligës së Kampionëve.

Por edhe nëse eliminohet nga Ludogorets, për Ballkanin nuk përfundojnë garat evropiane. Rregullat e UEFA-së ia lejojnë edhe së paku një ndeshje në Ligën e Konferencës.

Ndeshja në mes Ballkanit dhe Ludogoretsit luhet sonte nga ora 20:45, në Fadil Vokrri.