Rama mbron Kurtin pas përleshjes në Kuvend: Sjellje të turpshme, opozita të distancohet

Kryeministri i Shqipërisë, Edi Rama, e ka kritikuar opozitën e Kosovës. Kjo pas sulmit që ndodhi në Kuvend.

Rama ka thënë se skena të tilla janë të turpshme.

Postimi i Edi Ramës:

Të mos jesh dakord me kryeministrin është demokratike, ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton kryeministrit! Imagjinojini si ndjehen aleatët dhe miqtë e pazëvendësueshëm të Kosovës e të shqiptarëve, kur shohin se si kapen për fyti shqiptarët, aty ku duhet të luftohet me ide e me fjalë, jo me sharje e me grushta! Uroj shumë që opozita të distancohet nga kjo sjellje e turpshme dhe t’i shërbejë Kosovës me forcën e shembullit, jo me shembullin e forcës!