Policia e Kosovës reagon pas ngjarjes së rëndë në veri

Një incident i rëndë ka tronditur vendin, pasi një person ka mbetur i lënduar rëndë si pasojë e një sulmi me mjet të mprehtë. Ngjarja erdhi pas një përplasjeje verbale që ka eskaluar në dhunë fizike.

Rasti ka ndodhur në Llapnasellë, në komunën e Graqanicës, ku pas një fjalosjeje mes dy personave, i dyshuari ka sulmuar viktimën duke e goditur me thikë dhe më pas është larguar në drejtim të panjohur.

Si pasojë e sulmit, viktima ka pësuar lëndime trupore dhe fillimisht është dërguar në emergjencën e Graqanicës për trajtim mjekësor. Për shkak të gjendjes së tij, ai më pas është transferuar në Spitalin e Mitrovicës së Veriut për tretman të mëtutjeshëm.

Lidhur me rastin është njoftuar prokurori kompetent, ndërsa autoritetet po vazhdojnë hetimet dhe po punojnë për identifikimin dhe kapjen e të dyshuarit. /PodujevaSot