Declan Rice lojtar i Arsenalit – Përfundon gjithçka

West Ham United kanë nënshkruar kontratën për shitjen e kapitenit, Declan Rice drejt klubit londinez, Arsenal, shkruan Pika e Bardhë.

Transferimi ishte dakorduar para 8 ditësh, por u shfaqën disa probleme me vonesat e nënshkrimit të marrëveshjes.

Vonesat ishin për shkak të avokatëve të Arsenalit, të cilët po shikonin që ky transferim të mos sjellë dëme për klubin në aspektin financiar.

Rice do të udhëtojë së bashku me ekipin për në SHBA, atje ku Arsenali do t’i luajë disa ndeshje miqësore.

Marrëveshje mes Arsenal dhe West Ham për Ricen është me një shumë fillestare prej 100 milionë, pastaj me 5 milionë shtesa.

Kjo është njëra nga blerjet më të shtrejta në histori të Arsenalit, duke përfshirë edhe atë të Nicolas Pepe në vitin 2019, që Arsenali pagoi 72 milionë.

Shumë shpejt do të bëhet edhe zyrtarizimi i Rices nga dy klubet, ndoshta gjatë ditës së sotme.