Në zonën 40 voziti 116 km/h, dënohet me 500 euro gjobë

Policia e Kosovës kanë njoftuar për një gjobë ndaj një personi, i cili në zonën 40km/h voziti 116 km/h.

Për të është shqipuar gjoba 500 euro dhe ndalimi i vozitjes për 1 vit.

Më poshtë njoftimi i Policisë:

Identifikohet kundërvajtësi i cili në zonën ku kufizimi i shpejtësisë është 40 km/h, drejton automjetin me shpejtësi prej 116 km/h

Mitrovicë 21 korrik 2023

Njësia e Trafikut në kuadër të Drejtorisë Rajonale të Policisë në Mitrovicën e Jugut, gjatë kontrollit të trafikut rrugor në rrugën nacionale Mitrovicë –Prishtinë në zonën e Vushtrrisë, gjatë matjes së shpejtësisë me radar ka identifikuar një veturë e cila ishte duke zhvilluar shpejtësi prej 116 km/h në zonën ku kufizimi i shpejtësisë është 40 km/h.

Ndaj kundërvajtësit shoferit është shqiptuar gjobë prej 500 euro, si dhe masa mbrojtëse- ndalimi i drejtimit të automjetit në territorin e Republikës së Kosovës për një (1) vit.