46 vjeçari pëson lëndime të rënda derisa po punonte në pyll
Një ngjarje e rëndë ka ndodhur mëngjesin e sotëm në Kaçanik, ku një person ka pësuar lëndime trupore teksa po punonte në pyll, raporton Gazeta Sinjali.
Burimet e Gazetës Sinjali brenda Emergjencës kanë bërë me dije se urgjenca ka dalë në vendin e ngjarjes ku i kanë ofruar viktimës ndihmën mjekësore dhe më pas i njëjti është transportuar me autoambulancë për në Qendrën Kryesore të Mjekësisë Familjare në Kaçanik.
Viktima më pas është transferuar në spitalin e Ferizajt, por për shkak të natyrës së lëndimeve është udhëzuar që të dërgohet në Qendrën Klinike Universitare të Kosovës për trajtim të mëtutjeshëm mjekësor.
Ndërkohë në vendin e ngjarjes kanë dalë edhe njësitë policore, të cilët kanë kryer ekzaminimet e nevojshme që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Lëndim aksidental’.
