Zgjerimi i rrugës Prishtinë-Podujevë ka shkaktuar edhe kolona të shumta në drejtim të këtyre qyteteve. Shoferët thonë se ndërtimi i saj do të duhej të fillonte pas fluksit të veturave nga diaspora
Në fund të muajit të kaluar filluan, e punimet pritet të zgjasin për më shumë se 1 vit.
Por zgjerimi i rrugës Prishtinë-Podujevë, nisi në periudhën më të ngarkuar të vitit për nga prezenca e automjeteve në rrugë.
Një numër i madh i bashkatdhetarëve shfrytëzojnë Merdarën për të hyrë në Kosovë, e punimet, sipas tyre po krijonë kolona.
Avdin Hoti ka thënë se “Diaspora kallabllak xhynah është për ta më prit kështu, gati 20 minuta ose 30, po duhet më prit edhe në këtë nxehtë nuk ish dasht më fillu tash”.
Esat Gjata ka thënë se “Po na pengon pasi ka kolon, po me këtë ritëm po shpresoj që shpejt ka me u rregullu”.
Punimet, sipas tyre do të duhej të bëheshin në periudha kur nuk ka fluks të qarkullimit, por që megjithatë, rregullimi i magjistrales, sipas tyre ia vlen pritja.
Fidaim Hasani ka thënë se “Shumë rrallë i bi po mirë që po e rregullojnë, ndoshta ish dashtë me fillu punën në periudhë tjetër”.
Kadri Gashi ka thënë se “Sa t’kryhet rruga aq ma mirë është për ne, po presum ka 10 deri në 15 minuta në kolon”.
Enver Kadriu ka thënë se “Me rendësi që po punohet edhe po rregullohet, këtu janë procedurat e tenderimit, ka kolona po masi po rregullohet po lehtësohet”.
Projekti për zgjerimin e rrugës Prishtinë-Podujevë ka filluar më 29 qershor, derisa pritet të përfundoj brenda 425 ditë të punës, derisa vlera e tij shkon në 37 milionë euro.
Për shumë vite, punimet në këtë projekt kanë qenë të bllokuara shkaku i telasheve me shpronësim.
