Një person tenton t’i japë fund jetës duke konsumuar domestos

Traumat që vijnë nga mjediset familjare dhe shoqërore, kushtet e jetesës, rrethanat ekonomike, e depresioni shpesh janë vlerësuar shkaktarë që kanë çuar drejt vetëvrasje e tentimit për ta kryer këtë akt, raporton Gazeta Sinjali.

Një rast i tillë dyshohet se ka ndodhur të martën në orët e pasdites, në rrugën “Fatmir Berisha” në Prizren, ku një burrë kishte konsumuar preparate higjienike dhe për pasojë iu ishte përkeqësuar gjendja shëndetësore.

Pasi viktima ishte dërguar në spital për të marrë trajtim mjekësor, është njoftuar edhe Policia e Kosovës, të cilët kanë dalë në vendin e ngjarjes për të kryer ekzaminimet e nevojshme.

Me urdhër të prokurorit, rasti është cilësuar ‘Tentim vetëvrasje’.