E rëndë: Burri rrah gruan shtatzënë me dru
Dhuna në familja vazhdon të mbetet një ndër dukuritë më shqetësuese në vend, ku zakonisht viktima janë gratë të cilat dhunohen në forma të ndryshme kryesisht nga bashkëshortët e tyre, por edhe nga anëtarët e tjerë të familjes. Ndaj tyre ushtrohet dhunë edhe gjatë muajve të shtatzënisë, duke iu shkaktuar kështu stres, presion e rrezik të madh, raporton Gazeta Sinjali.
Një rast i tillë dhe mjaft i rëndë ka ndodhur së fundmi në një familje në Gjakovë, ku një burrë dyshohet se ka ushtruar dhunë ndaj gruas së tij.
Burimet brenda Spitalit Rajonal kanë bërë me dije për Sinjalin se i dyshuari M.T, 20-vjeçar e ka sulmuar fizikisht me dru gruan me të cilën bashkëjeton dhe e cila është shtatzënë.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit në kohëzgjatje prej 48 orësh dhe i njëjti do të hetohet nën dyshimet për kryerjen e veprës penale ‘Dhunë në familje’.
