Ky është personi që vdiq mbrëmë në aksident

Mbrëmë u raportua për një vetaksident tragjik që ka ndodhur në rrugën nacionale Kosovë-Shqipëri, në fshatin Vogovë të Gjakovës ku një shtetas i Shqipërisë mbeti pa shenja jete. 54-vjeçari dyshohet se nuk i është përshtatur shpejtësisë së lëvizjes kundrejt kushteve të rrugës dhe për pasojë ka humbur kontrollin mbi veturën duke shkaktuar vetaksident.

Burimet e Sinjalit brenda Prokurorisë bëjnë të ditur se viktima është Arben Brahaj nga fshati Kerrnajë.

Vdekja e viktimës është konfirmuar nga ekipet mjekësore në vendin e ngjarjes, derisa trupi i viktimës është dërguar fillimisht në morgun e qytetit në Spitalin Rajonal të Gjakovës e më pas me urdhër të Prokurorit të Shtetit, trupi i pajetë është dërguar në IML për obduksion.

Lajmin për Sinjalin e ka konfirmuar togerja e Policisë, Gjyljeta Kasapi.

Po ashtu, Kasapi shtoi se Ambasada e Shqipërisë është njoftuar pasi viktima ka nënshtetësi shqiptare.