Një terrorist i plagosur dërgohet në Spitalin e Mitrovicës

Drejtoresha e Spitalit Rajonal të Mitrovicës, ka konfirmuar se një nga terroristët e plagosur është pranuar në spital.

“Një i plagosur, i kombësisë serbe është pranuar në spital”, tha Zhubi.

Gazeta Sinjali mësoi ekskluzivisht se deri tani kanë mbetur të vrarë 8 terroristë kurse gjashtë të tjerë janë plagosur.

Brenda manastirit vazhdojnë të qëndrojnë 49 anëtarë të grupit kriminal.

Kujtojmë se sot në orët e hershme të mëngjesit, një grup i organizuar dhe i armatosur ka hapur zjarr ndaj pjesëtarëve të Policisë së Kosovës, ku si pasojë një polic ka humbur jetën dhe dy të tjerë kanë mbetur të lënduar.