Nxënësi 17 vjeçar ther me thikë shokun

Konfliktet mes të rinjve jo rrallëherë kalojnë në përleshje fizike, për çka nevojitet edhe ndërhyrja e Policisë. Motivet shpesh dalin të jenë banale dhe lidhen me probleme për të cilat ata nuk arrijnë të merren vesh dhe për pasojë futen në sherr. Një rast i tillë ka ndodhur dje në Prishtinë, ku mbeti i therur me thikë një nxënës, raporton Gazeta Sinjali.

Këtë herë në rast janë përfshirë një 17 dhe një 18-vjeçar, nxënës të shkollës së mesme “Gjin Gazulli”, që dyshohet se u kapën për motive akoma të panjohura, me ç’rast përleshja eskaloi deri në përdorimin e thikës.

Burimet nga Emergjenca kanë bërë me dije se viktima 18-vjeçar është dërguar në gjendje në spital dhe sipas informacioneve të para ndodhet jashtë rrezikut për jetën.

Pas përfundimit të procedurave policore, Prokurori i Shtetit ka urdhëruar që ndaj tij të caktohet masa e ndalimit për veprën penale “Vrasje në tentativë” dhe “Armbajtje pa leje”.