Aksident i rëndë trafiku (FOTO)
Numri i madh i aksidenteve në trafik po vazhdon të jetë shqetësues pasi pothuajse çdo ditë raportohet për to dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.
Numrit të aksidenteve iu është shtuar edhe një goxha i rëndë, i cili ka ndodhur në magjistralen Prishtinë-Gjilan.
Siç shihet në pamjet e siguruara nga sinjalizuesi i Gazetës Sinjali, një veturë ka devijuar komplet rrugën, me ç’rast është përplasur në rrethojat e saj.
Përveç dëmeve të mëdha materiale, deri më tani nuk dihet për të lënduar dhe as për shkaktarin e këtij aksidenti.
Gazeta Sinjali ka kontaktuar Policinë e Kosovës dhe do të ju mbajë të informuar për detajet e rastit.
