Takimi emocional i Gucatit me nënën: Të fala u kanë ba krejt shokët atje në Hagë

Ish-kryetari i Organizatës së Veteranëve të Luftës së UÇK-së, Hysni Gucati ka arritur në shtëpinë e tij. Pas lirimit nga Gjykata Speciale në Hagë, ai u prit nga familjarë, të afërm dhe pjesëtarë të organizatës.

Ai pasi u takua me miq e dashamirë në odën e tij, shkoi ta takojë edhe nënën e cila po e priste në shtëpi.

Takimi i Gucatit me nënën ishte emocional e mes lotësh. Por nëna e tij nuk harroi të pyeste edhe për ish-krerët e UÇK-së të cilët po mbahen në Hagë.

“Mirë mirë, krejt rahat, ishalla edhe ata tjerët krejt vinë”, na mirë jena kurrë ma mirë sjena kan”, u shpreh ajo mes lotësh.

Gucati në bashkëbisedim me nënën e tij tregoi se nuk mundi të përshëndetet me ish-krerët e UÇK-së që ishin në Hagë, por që në mëngjes është parë pak me ta.

“Mirë mirë edhe ata krejt janë, të fala janë krejt ata, pak i pash se s’mujta mu përshëndet  me ta, në mëngjes i pash krejt ata, po mirë ata janë të fortë janë shumë të fortë”, u shpreh i emocionuar Gucati.

Për lirimin e ish-kryetarit të Organizatës së Veteranëve të Luftës së UÇK-së, Hysni Gucati, ka njoftuar edhe Gjykata Speciale. /Lajmi.net