Ky është vendi ku u vra një person (FOTO)

Një person ka humbur jetën sot dhe dy të tjerë janë plagosur në Vushtrri.

Avni Zahiti, zëdhënës i policisë rajonale për Mitrovicë, ka bërë të ditur për KosovaPress se rasti ka ndodhur në orët e pasdites.

“Rreth orës 15:50, është raportuar se në kryqëzimin e rrugëve “Mehmet Konjuhi” dhe “Rifat Galica” nga arma e zjarrit ka humbur jetën një person, ndërsa dy persona tjerë kanë mbetur të plagosur”, ka thënë ai.

Lidhur me rastin janë arrestuar dy persona të dyshuar, si dhe është konfiskuar një armë. Hetimet e mëtejme po vazhdojnë nga njësite përkatëse policore.