Ilir Krasniqi i Llapit pritet të jetë startues edhe në ndeshjen ndaj Zvicrës

Kosova fitoi të dielen ndaj Izraelit me golin e Milot Rashicës. 2 lojtarët më të mirë në fushë ishin mbrojtësit e Superligës së Kosovës, Ilir Krasniqi i Llapit dhe Lum Dellova i Ballkanit.

Paraqitje mjaft të mirë bëri edhe mesfushori i Ballkanit, Qendrim Zyba.  Kosova me 18 nëntor do të përballet me Zvicrën në Basel. Pas paraqitjes fantastike të Ilir Krasniqit, Gliha tashmë ka vendosur që ai të jetë startues.

Nga minuta e parë gjithashtu mund ta shohim edhe Lumbardh Dellovën. Mungesa kryesore te Dardanët do të jetë Vedat Muriqi, i cili do të jetë jashtë fushës për më shumë se 1 muaj.

Pas lëndimit të piratit kosovar, në sulm mund ta shohim edhe një talent tjetër të futbollit kosovar, ai është sulmuesi i Llapit, Muhamet Hyseni. Hyseni ndaj Izraelit nuk kishte minuta, por dy ndeshjet e ardhshme mund ta shohim ‘bomberin’ e Llapit në sulmin e Kosovës.