Nenad Graçan mund të bëhet trajner i Kosovës

Pas përfundimit të ndeshjeve kualifikuese për Euro 2024, Kosova pritet të fillojë një epokë të re, duke pasur dhe një trajner të ri në krye. Primozh Gliha është i përkohshëm në krye të dardanëve dhe ai thuhet se do të zëvendësohet nga Nenad Graçan.

Sipas lajmeve më të fundit nga shtypi vendas në Kosovë, Graçan është një nga emrat më të përfolur për të marrë drejtimin e kombëtares.

Ish-mesfushori i Jugosllavisë aktualisht është në krye të Kombëtares së femrave kroate. Por, karriera e tij është e gjatë pasi ka drejtuar disa klube si Rijeka, Dinamo Zagreb, Istra, Nafta 1903, apo dhe Kroacinë U-21.

Megjithatë, jetëgjatësia në stol në shumicën e punëve të tij të mëparshme ka qenë tepër e shkurtër duke qëndruar vetëm disa muaj.

Periudha e Graçan te Kroacia U-21 ka qenë më jetëgjata, duke qëndruar nga viti 2013 deri në 2019 ose e thënë ndryshe për 40 ndeshje. Kjo përkon edhe me ecurinë e tij më të mirë në stol, duke siguruar mesatarisht 1.78 pikë për ndeshje.

Në nivel klubesh, kroati nuk ka pasur karrierë të gjatë. Gjigandët e Dinamo Zagreb i ka drejtuar në vetëm tre ndeshje. Hajduk Split-in e ka drejtuar në katër ndeshje. HNK Rijeka-n e ka drejtuar në dy periudha, fillimisht në gjashtë ndeshje dhe më pas në 30./Albanianpost.com