Daku takohet me trajnerin Batatina pas ndeshjes
Pas ndeshjes Shqipëria – Ishujt Faroe, sulmuesi i Kombëtares së Shqipërisë, Mirlind Daku është takuar me trajnerin e Llapit, Tahir Batatina.
Mirlind Daku kishte një karrierë fantastike te skuadra e Llapit, aty ku trajneri Batatina ishte ai i cili i besoi këtij futbollisti.
Në një postim të gjatë të trajnerit Batatina thuhet se rikujtuan momentet fantastike të Dakut që nga fillimi i karrierës e deri në ditët e sotme, ku ai tashmë është pjesë e Evropianit.
Më poshtë postimi:
Isha i ftuar së bashku me dy djemtë e mi ne ndeshjen e fundit në kuadër të kualifikueseve të Kombëtares Shqiptare, e cila ishte edhe natë festive. Pikërisht për këtë, ish-futbollisti i skuadrës së Llapit, Mirlind Daku shprehi dëshirën e tij që në këtë festë të madhe të jemi unë së bashku me dy djemtë e mi afër tij ku e uruam për paraqitjen e tij në Kombëtare dhe në skuadrën ku luan.
Dëshira e Mirlindit ishte që fanellën që e djerësiti dje me Kombëtaren Shqiptare dhe suksesin e arritur me të, t’ia dhuroj vetëm familjes Batatina, konkretisht djalit tim të vogël, Merisit.
Së bashku kaluam momente të mrekullueshme të festës dhe rikujtuam edhe momente tjera që nga fillimi i karrierës deri tek sukseset dhe të arriturat e Mirlindit.
Unë, si trajner i Dakut që i besova në moshë të re për të arritur këtu ku është sot, jam shumë krenar por edhe ai me familje janë gjithmonë mirënjohës dhe falenderues për atë që kam bërë me Dakun. Ne gjithmonë do ta respektojmë familjen e Mirlind dhe Fehmi Dakut për respektin që kanë për ne, mbi të gjitha kjo fanellë ka vlerën e madhe për mua dhe familjen Batatina.
Poashtu i përgëzova të gjithë futbollistët e Kombëtares pa dallim, duke filluar nga Mirlindi. Ardiani, Ylberi, Taulanti, Jasiri e Arbnori, me të cilët ndava emocionet e kualifikimit.
Urime të gjithë lojtarëve, stafit, Presidentit Armand Duka dhe gjithë FSHF-së për kualifikimin e Shqiprisë në Evropian. T.B.
