Komuna e Podujevës njofton që nesër bizneset llapjane nuk do ta kenë pushim

Nesër është Dita e Flamurit dhe do të ketë festë në Shqipëri e Kosovë.

Komuna e Podujevës me anë të një postimi ka bërë të ditur se nesër bizneset llapjane nuk do ta kenë pushim.

Më poshtë njoftimi:

Njoftim për biznese lokale për 28 nëntor.

Me rastin e festës së Pavarësisë së Shqipërisë më 28 nëntor bizneset ditën e marte punojnë sipas orarit të rregullt.

Rregullorja për Orarin e Punës për Biznese që operojnë në Komunën e Podujevës nuk e parasheh ditë pushimi për biznese datën 28 nëntor.