E konfirmon vëllai i Liridonës: Nesër do të bëhet rivarrimi në fshatin Rracaj

Familjarët e Liridona Ademaj so në mëngjes kanë bërë kërkesë tek prokurorja e rastit, Besa Limani për zhvarrosjen dhe rivarrosjen e trupit të së ndjerës nga fshati ku është varrosur, e që është fshati i bashkëshortit të saj Naim Murseli, i dyshuar për shkaktimin e kësaj tragjedie.

Kërkesa e familjes Ademaj nga shteti është aprovuar dhe nesër do të bëhet rivarrimi në fshatin Rracaj, shkruan Sinjali.

Lajmin e ka bërë të ditur vëllai i të ndjerës, Leonard Ademaj përmes një postimi në profilin e tij zyrtar në ‘Facebook’.

Ceremonia e varrimit sipas Leonard Ademajt do të bëhet me fillim nga ora 14:00.

Postimi i tij:

“Ju njoftojmë që me ndihmën e institucioneve kemi arritur që Liridona të mund të prehet në fshatin tonë. Rivarrimi i i saj do të bëhet më datë 4 dhjetor (e hëne) në orën 14.00 në varrezat e fshatit Rracaj. Falenderojmë policinë dhe prokurorinë që trajtuan me urgjencë kërkesën tonë.

Nesër është ditë e rëndë për neve dhe ju lusim për mirëkuptim.

Me respekt,

Familja Ademaj”.