Arrestohen 15 persona për dallavere me vota

Një rast i rëndë që lidhet me procesin zgjedhor është zbuluar nga autoritetet, ku disa persona dyshohen për ndërhyrje të kundërligjshme në rezultatet e votimit.

Sipas njoftimit zyrtar, rasti ka të bëjë me dyshime për falsifikim të rezultateve të votimit në Novobërdë, i cili dyshohet se ka ndodhur më 29.12.2025 rreth orës 07:00.

Më 25.02.2026, policia ka arrestuar 15 persona të dyshuar, për të cilët ekziston dyshimi se kanë qenë të përfshirë në këtë veprimtari të kundërligjshme.

Me vendim të prokurorit, pas intervistimit, të dyshuarit janë liruar në procedurë të rregullt, ndërsa hetimet lidhur me rastin vazhdojnë.