Aksident trafiku, katër persona përfundojnë në emergjencë (FOTO)
Sot u raportua për një aksident trafiku me lëndime të ndodhur në rrugën Prishtinë-Gjilan, në fshatin Kishnicë.
Lajmin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, e cila tha se ne këtë aksident kanë qenë të përfshira një kamion dhe një veturë, të cilat kanë qenë në lëvizje.
“Sot rreth orës 13:30 kemi pranuar informatën se në rrugën Prishtinë – Gjilan, ka ndodhur një aksident trafiku. Në këtë aksident kanë qenë të përfshira, dy automjete (një kamion dhe një veturë), të cilat kanë qenë në lëvizje. Si pasojë e aksidentit lëndime trupore kanë pësuar katër persona”, ka deklaruar Ahmeti.
Në vendin e ngjarjes ka dalë njësiti për hetimin e aksidenteve rrugore i cili po merret me rastin./IndeksOnline/
