Aksident trafiku, lëndohet një person (FOTO)
Thuajse çdo ditë po shtohet numri i aksidenteve në vendin tonë, kjo vjen nga pakujdesia e shoferëve dhe mos përshtatja e shpejtësisë në trafik.
Para një ore ka ndodhur një aksident trafiku në Fushë Kosovë, ku nga pamjet e siguruara shihet një person i shtrirë në rrugë.
Rastin për Gazetën Sinjali e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Sipas Ahmetit në këtë aksident kanë qenë të përfshirë një këmbësor dhe një automjet dhe për pasojë një person ka pësuar lëndime trupore dhe i njëjti është dërguar për tretman mjekësor.
“Rreth orës 16:40 kemi pranuar informatën se në rrugën Fushë Kosovë – Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një automjet.
Si pasojë e aksidentit lëndime trupore ka pësuar këmbësori dhe i njëjti është dërguar për tretman mjekësor. Me rastin po merret njësiti i trafikut”, tha Ahmeti për Sinjalin.
