LAJMI I FUNDIT: Një burrë kryen vetëvrasje me armë zjarri

Një ngjarje e rëndë ka ndodhur para rreth një ore në Prizren, ku një burrë dyshohet se ka kryer vetëvrasje. Policia tashmë ka dalë në vendin e ngjarjes, ndërsa trupi i pajetë është tërhequr për t’u dërguar në IML, raporton Gazeta Sinjali.

Sinjali mëson se viktima i ka dhënë fund jetës me armë zjarri dhe akoma nuk dihen motivet që e kanë shtyrë të ndjerin drejt këtij akti.

Arma që dyshohet se është përdorur dhe prova të tjera që janë gjetur në vendin e ngjarjes tashmë janë sekuestruar nga zyrtarët policorë.

Në vendin e ngjarjes janë kryer ekzaminimet e nevojshme, ndërsa me urdhër të Prokurorit të Shtetit rasti është iniciuar si “Vetëvrasje”.

Lajmin e kanë konfirmuar për Sinjalin edhe nga Policia Rajonale në Prizren.