15-vjeçari ther me thikë shokun e klasës, i mituri dërgohet në spital

Rrahjet e përleshjet mes nxënësve në shkollat fillore e të mesme janë shumë të shpeshta. Drejtoritë shpesh detyrohen të kërkojnë ndihmën e Policisë për të intervenuar në incidente të tilla që ndodhin brenda hapësirave të shkollave apo përreth tyre, raporton Gazeta Sinjali.

Ngjarja dyshohet të ketë ndodhur në rrugën “Bedri Bajrami” në Prishtinë, ku një 15-vjeçar ka therur me thikë shokun e klasës, duke i shkaktuar lëndime trupore, për çka viktima ka kërkuar ndihmë mjekësore në spital.

Burimet e Sinjalit kanë njoftuar se Policia është vënë në dijeni për incidentin, me ç’rast i dyshuari është shoqëruar në stacion policor për intervistim, ku ka dhënë deklaratën e tij për motivin e sulmit.

Kujtojmë se rastet e tilla janë kthyer në shqetësim edhe për prindërit, për shkak të sigurisë në institucionet arsimore dhe në afërsi të tytre.