Vrasje në tentativë, 7 persona të përfshirë

Një përleshje e rëndë mes disa personave ka përfunduar me të lënduar dhe arrestime, ndërsa dy prej tyre kanë pësuar lëndime serioze dhe janë dërguar për trajtim të mëtejshëm mjekësor.

Rasti ka ndodhur në Gjilan, ku sipas raportimeve, shtatë të dyshuar meshkuj kosovarë janë përleshur fizikisht mes vete. Gjatë përleshjes dyshohet se janë përdorur edhe mjete të mprehta, përfshirë thika.

Si pasojë e konfliktit, të gjithë të përfshirët kanë pësuar lëndime trupore. Pas tretmanit mjekësor, pesë prej tyre janë liruar, ndërsa dy të tjerët, për shkak të lëndimeve të rënda, nga spitali i Gjilanit janë transportuar për trajtim në Qendra Klinike Universitare e Kosovës në Prishtinë.

Me vendim të prokurorit, pesë të dyshuarit janë arrestuar dhe pas intervistimit janë dërguar në mbajtje, ndërsa rasti është cilësuar si “Vrasje në tentativë”. /PodujevaSot