Bajgorën nuk e harrojnë vizitorët, për ujin e pijes qytetarët presin në rend

Shkruan: Dilara Sollova, studente e vitit të parë në Kolegjin Universum.

Kosova, në sipërfaqen e saj 10.887 km² dhe me klimë kontinentale, duket se shton kureshtjen për të ngjitur malet dhe për të vizituar vendet të cilat duket se i kanë lënë shije të mirë vizitorëve. Një ndër atraksionet turistike në Kosovë është dhe fshati Bajgorë.

Edhe pse shpesh herë është e vështirë për shkak të orëve të gjata që duhet udhëtuar drejt këtij vendi, përveç vendasëve apo dhe qytetarëve të Kosovës, ky vend është shndërruar në një atraksion për vendet e Ballkanit por duke mos neglizhuar edhe shtetasit e tjerë te cilët nuk i përkasin Ballkanit.

“Eshtë një reliev i përshtatshëm, ajri është i mirë pastaj edhe janë disa atraksione që i ofron ky vend, fëmijëve i nevojitet për me u largu prej atij betonimit të qytetit.” thote Florina Çitaku, nga qyteti i Mitrovicës, mësimëdhënëse dhe ushtruese e detyrës së këshilltarës në Kuvendin Komunal të Mitrovicës.

Bukuritë magjepsëse që ky vend i posedon, na sjellë një ndjenjë të ëmbël dhe qetësuese. Thuhet se edhe burimet e ujit të cilat i ka ky vend janë shëruese, kurse për disa të tjerë thjeshtë duken më të pastërta për shkak të këtyre burimeve.

Edhe pse pritjet e gjata, nuk duken si një problem për ata/ato të cilët/cilat janë të interesuar për benefitet që i sjell ky ujë. Ashtu siç kemi dëgjuar është e vështirë për të kaluar afër kroit dhe për të mos konsumuar nga uji i freskët dhe i pastër të këtij kroi i cili është ri-konstruktuar për mirëmbajtje dhe për rregullat dhe rendin që e posedon. Por, një fakt interesant është që ky vend nuk e posedon vetëm një por as dy, por, afër 10 kroje të ujit të cilat i shfrytëzojn turistët apo konsumuesit e rregullt. Dy prej tyre janë me pagesë, kurse pjesa tjetër janë pa pagesë. Por, dy më të njohurit, janë në përdorim nga shumë konsumues dhe në emër për shumë kohë, ku tashmë njërin nga krojet, e ri-konstruktuan pronarët e një restaurantit përballë. Edhe pse nuk jetojnë në Kosovë, ata dëshiruan që vendin ku furnizohen me ujë, të jetë i mirëmbajtur dhe mos të krijohet kaos ashtu siç krijohet në kroi-n e vjetër.

Afer këtij kroit gjendet dhe një restaurant.

“Rendi është shumë i gjatë e për mos me prit në rend mundemi me prit, me pushu deri të vjen rendi.” thotë Artoni nga Podujeva, që jeton në fshatin Pakashticë.