Po bënin gara me vetura, dënohen me nga 150 euro dy shoferë

Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes. Madje nuk janë të rralla as rastet kur shoferët përfshihen në gara ilegale me vetura, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

Një rast i tillë ka ndodhur në Vushtrri, ku janë identifikuar dy shoferë të cilët kanë zhvilluar gara ilegale.

Përmes një komunikate për media, Policia njofton se shoferët janë hasur në aksin rrugor Mitrovicë –Vushtrri,  të cilët në kundërshtim me rregullat e trafikut rrugor ishin duke bërë gara sportive me vetura duke penguar e rrezikuar edhe pjesëmarrësit tjerë në trafikun rrugor.