Aksident trafiku, 5 të lënduar

Zëdhënësja e Policisë së Kosovës për rajonin e Prishtinës, Flora Ahemti për Radio Dukagjinin e ka konfirmuar se ka ndodhur një  aksident trafiku, ndërmjet 3 veturave ku pesë persona kanë pësuar lëndime trupore.

“Sot rreth orës 20:00 kemi pranuar informatën se në Çagllavicë, ka ndodhur një aksident trafiku.  Në këtë aksident kanë qenë të përfshira 3 automjete”, ka thënë Ahmeti.

“Si pasojë e aksidentit lëndime trupore kanë pësuar 5 persona”, ka theksuar ajo.

Ndërkohë ajo ka përfunduar duke thënë se me ketë rast po merret njësiti i trafikut nga Policia e Kosovës.