Mësohet sa ndeshje do të mungojë Bellingham pas kartonit të kuq

Jude Bellingham është suspenduar me dy ndeshje në La Liga pas kartonit të kuq ndaj Valencias në javën e kaluar.

Mesfushori anglez u përjashtua me karton të kuq pas ofendimive drejt gjyqtarit të ndeshjes, Jesus Gil Manzano, i cili përfundoi ndeshjen disa sekonda para se Bellingham të shënonte.

Komiteti i Garave të Federatës Spanjolle të Futbollit ka konstatuar se Bellingham ofendoi drejt Manzanos dhe kishte mospërfillje të rregullave sportive.

Ky komitet gjithashtu ka konfirmuar se Bellingham është gjobitur me 600 euro dhe Reali është gjobitur 700 euro.

Anglezi tani do të mungojë në ndeshjen e ligës ndaj Celta Vigos, të cilën Reali e luan në shtëpi, gjithashtu do të mungojë edhe ndaj Osasunas me 16 mars.

Për këtë incident u pyet edhe trajneri i Realit, Carlo Ancelotti, por ai tha se nuk ka komunikuar me Bellinghamin për këtë çështje.

“Kartoni i kuq ishte i gabuar, Bellingham nuk ofendoi”, përfundoi Ancelotti.