Podujevë: Vazhdojnë kontrollet sistematike shëndetësore në shkolla

Në Komunën e Podujevës janë duke vazhduar kontrollet sistematike shëndetësore në shkolla.

Më poshtë postimi i faqes zyrtare të Komunës së Podujevës:

Janë duke vazhduar vizitat sistematike mjekësore në shkolla, gjatë kësaj kohe po kryhen kontrolle për nxënësit e klasave I, V dhe IX në të gjitha shkollat e Komunës së Podujevës.

Gjatë këtyre vizitave po u kushtohet rëndësi zhvillimit përmes matjes së Indeksit të Masës Trupore (IMT), kontrollës së boshtit korrizor, kontrollës stomatologjike, oftamologjike, higjenës së përgjithshme dhe identifikimit eventual të ndonjë patologjie.

Realizimin e këtyre vizitave të stafit mjekësor në e shkolla e përcollën sot nga afër drejtoresha e Shëndetësisë, Adelina Stublla, drejtori i Arsimit, Avni Fetahu dhe drejtori i QKMF-së, Bajram Bajgora të cilët përgëzuan ekipet mjekësore të QKMF-së, për punën dhe angazhimin e tyre në zbatimin e masave preventative shëndetësore tek fëmijët.