Bulliqi: Do të ofrojmë mbështetje financiare për familjen e katërnjakëve
![](https://podujevasot.net/wp-content/uploads/2024/04/photo-output-2-1024x578.jpeg)
Kryetari i Podujevës, Shpejtim Bulliqi, ka thënë se lajmi për lindjen e katërnjakëve është i mrekullueshëm.
Ai me anë të një postimi ka treguar se familjes do të ju ofrojnë edhe mbështetje financiare.
Më poshtë postimi i kryetarit:
Lajm i mrekullueshëm lindja e katërnjakëve nga një nënë e re në QKUK, ky është një bekim i madh për familjen e gëzim për mbarë shoqërinë.
Nëna dhe fëmijët janë shumë mirë me shëndet dhe po e marrin shpejt vetën. I uroj nga zemra Diellzën dhe Agronin për lindjen e fëmijëve, duke ju dëshiruar jetë të gjatë, të shëndetshme dhe të lumtur së bashku!
Si institucione komunale do të ofrojmë mbështetje financiare për familjen, si dhe do të sigurojmë një asistente për nënën për kujdesin ndaj fëmijëve.