Nesër fillon regjistrimi i popullsisë, gjoba deri 20 mijë euro për ata që refuzojnë të përgjigjen

Nga data 5 prill (e premte) fillon regjistrimi i popullsisë në Kosovë. Regjistruesit do të vizitojnë çdo shtëpi ku do të marrin të dhënat nga çdo familje.

Ky është regjistrimi i dytë që po mbahet pas luftës. Në Klan Kosova i ftuar ka qenë Avni Kastrati, i cili është ushtrues detyre i kryeshefit të ASK-së.

Kastrati ka folë në lidhje me procesin e regjistrimit të popullsisë që fillon nga nesër.

I pyetur rreth çështjes se çfarë do të ndodhë nëse një familje refuzon të përgjigjet, ai ka thënë se për këtë gjë do të ketë edhe gjoba.

“Nëse dikush refuzon të përgjigjet, do të ketë gjoba deri në 20 mijë euro. Kjo sepse regjistrimi i popullsisë është obligativ për çdo familje“, ka thënë Kastrati.

Më poshtë video: