Flet qytetari që i gjeti 10 mijë euro dhe ia ktheu pronarit (VIDEO)
Qytetari nga Rahoveci me emrin Shaip Himaj, i cili i gjeti 10 mijë euro gjatë ditës së djeshme e më pas ia ktheu pronarit, ka treguar ngjarjen në emisionin “Kosova today” në Klan Kosova.
Ai tha se të hollat fluturuan nga vetura e personit të cilit i kishin humbur ato.
“Ato para i gjeta në drejtimin prej Gjakovës në Prizren, konkretisht diku në fshatin Xërxë. Më është gjuajtur çanta me të holla. E ndala makinën dhe në tokë i mblodha 300-400 euro të shpërndara, të tjerat ishin brenda. Çantën e kishte harruar në bagazh, makina ishte në lëvizje, unë isha prapa tij”, tha Himaj.
Ai tutje tregoi se e kishte sinjalizuar personin me veturën para për t’ia bërë me dije se i kishte rënë çanta, por ai nuk e kishte kuptuar. Himaj poashtu zbuloi se pronari i të hollave ia ka dhënë 100 euro në shenjë falënderimi.
Ndiqni videon e mëposhtme:
