Sonte në Barcelonë rikthehet spektakli i Ligës së Kampionëve

Barcelona do të përballet me Parisin në ndeshjen kthyese çerekfinale të Ligës së Kampionëve.

Katalunasit fituan ndeshjen e parë në Parkun e Princave me rezultat 2-3, me dy golat e Raphinhas dhe një të Christensen.

Ndërsa për Parisin shënuan Dembele e Vitinha. Francezi, Ousmane Dembele nuk do të mirëpritet sonte në Stadiumin Olimpik të Barcelonës, pasi ai festoi golin në ndeshjen e parë.

Mijëra tifozë do të vërshëllejnë atë, madje dje ka pasë edhe fyerje drejt tij. Kjo ndeshje e cila premton spektakël fillon nga ora 21:00 dhe transmetohet në Art Sport 1 dhe Tring Sport 1.

Ndeshje interesante do të jetë edhe në Gjermani, ku Dortmund do të përballet me Atletico Madridin. Madrilenët e fituan ndeshjen e parë në Spanjë me rezultat 2-1.

Gjithsesi gjithçka mbetet e hapur sonte në këto dy super ndeshje që fillojnë nga ora 21:00.

Liga e Kampionëve vazhdon edhe nesër me ndeshjen City – Real, që transmetohet në Klan Kosova, ndërsa Bayern – Arsenal do të transmetohet në Art Sport 2 dhe Tring Sport 2.