Sonte 4 ndeshje interesante në Premier League

Premier League po bëhet edhe më interesante në prag të përfundimit të sezonit. Mbrëmë, skuadra e Arsenalit fitoi ndaj Chelsea, me rezultat 5-0.

Ndërsa, sonte zhvillohen edhe 4 ndeshje tjera. Wolves përballet me Bournemouth, Crystal Palace – Newcastle, Everton – Liverpool dhe Manchester United – Sheffield United.

Ndeshja më interesante padyshim do të jetë ajo në mes Everton dhe Liverpool, pasi skuadra e drejtuar nga Jurgen Klopp është duke luftuar për titull kampioni.

Aktualisht Arsenali është në vendin e parë me 77 pikë, në vendin e dytë Liverpool me 74 pikë, ndërsa Manchester City në vendin e tretë me 73 pikë.

Por duhet cekur se Arsenali ka dy ndeshje më shumë të zhvilluara se Man City dhe një më shumë se Liverpool. Titulli i kampionit varet nga skuadra e Pep Guardiolas.

Nëse Manchester City fiton të gjitha ndeshjet e mbetura, atëherë sërish do të shpallet kampion i Anglisë.