Sonte Real Madrid përballet me Real Sociedad

Java e 33 në La Liga fillon me ndeshjen Real Sociedad – Real Madrid, ndeshje kjo e cila luhet në stadiumin Reale Arena (San Sebastian).

Real Sociedad në këtë ndeshje vjen pas dy barazimeve, një me Getafen dhe një në shtëpi me Almerian.

Ndërsa nga ana tjetër, Real Madrid vjen pas fitores në El Clasico, Klasike kjo e cila ishte ndër më të përfolurat viteve të fundit, pas gabimeve të mëdha që bëri referi i ndeshjes, Soto Grado.

Sociedad në këtë ndeshje do të ketë 5 mungesa, ndërsa Madridi do të ketë 3 mungesa. Te Sociedad do të mungojnë, Fernandez, Merquelanz, Munoz, Tierney dhe Traore. Ndërsa te Reali i Madridit mungojnë Alaba, Courtois dhe Bellingham.

Bellingham do të mungojë për shkak të problemeve me stomak, kështu kanë raportuar mediat spanjolle, por që ky lajm nuk duket të jetë i vërtetë dhe Bellingham do të pushojë këtë javë për shkak të frikës së ndonjë lëndimi para ndeshjes me gjigandin gjerman, Bayern Munchen.

Gjithashtu nuk dihet nëse në këtë ndeshje do të luajnë edhe Rodrygo e Mendy. Ndeshja mes Real Sociedad dhe Real Madrid fillon sonte në ora 21:00 dhe transmetohet në Super Sport 2 Albania.