Barça, Arsenali e Bayerni në garë për 25 vjeçarin spanjoll

Klubet evropiane kanë filluar interesimet e tyre për transferimet që do t’i bëjnë gjatë verës. Skuadra e Barcelonës pritet të ketë përforcime në mesfushë, ndoshta me një mesfushor qëndror.

Gjithashtu edhe dy klube tjera (Arsenali e Bayerni) kanë filluar negociatat me disa lojtarë. Njëri nga emrat më të përfolur të këto 3 klube është 25 vjeçari spanjoll, Martin Zubimendi.

Mesfushori i Real Sociedad pritet të largohet këtë verë nga skuadra spanjolle. Deri më tani 3 klube janë të interesuara për të. Bëhet fjalë për Barcelonën, Arsenalin e Bayernin.

Me vazhdimin e Xavit si trajner të Barcelonës, Laporta i ka premtuar atij që do të bëjnë disa transfere në verë dhe pikërisht emri që u përfol në takim ishte ai i Zubimendit.

Barcelona ka kohë që ka shfaqur interesim për 25 vjeçarin, por për shkak të kushteve financiare nuk ka pasur mundësi ta transferojë. Ndërsa, Arsenali ka shprehur interesim edhe për një mesfushor tjetër.

Bëhet fjalë për brazilianin, Bruno Guimaraes. Për brazilianin, Arsenali ka pasur interesim edhe sezonin e kaluar, por që transferimi i tij në Londër kishte dështuar.

Spekulimet kanë filluar edhe për një transferim të Kimich te Barcelona, por që ende nuk ka diçka të vërtetë rreth këtij lajmi. Ditët në vijim do të mësohen emrat e mundshëm që këto klube mund të transferojnë, por edhe ata që do të largojnë.