Dortmund – Paris, sonte gjysmëfinalja e Ligës së Kampionëve

Pas një spektakli të Ligës së Kampionëve që ndodhi mbrëmë në Gjermani, tjetër spektakël na pret sonte pikërisht në Gjermani.

Borussia Dortmund do të përballet në gjysmëfinale me Paris Saint Germain. Dortmundi në çerekfinale mposhtën Atletico Madridin, ndërsa Parisi eliminoi gjigantin katalunas, FC Barcelona.

Sonte ndeshja mes Dortmundit e Parisit do të luhet në Signal Iduna Park, ndërsa e kthimit pas një jave në Parkun e Princave.

Fituesi i kësaj gjysmëfinalje do të takohet në finalen e madhe me fituesin e ndeshjes Bayern – Real, aty ku ndeshja e parë përfundoi me rezultat 2-2 dhe gjithçka do të vendoset në Spanjë.

Ndeshja Dortmund – Paris fillon në ora 21:00 dhe do të transmetohet në Klan Kosova, Art Sport 1 e Tring Sport 1.