Guardiola: Nëse nuk fitojmë sonte e humbim titullin

Sonte në Londër do të luhet ndeshja më e rëndësishme e sezonit në Premier League.

Tottenham Hotspur do të përballen me Manchester Cityn. Skuadra e Man City është aktualisht në vendin e dytë me 85 pikë, një ndeshje më pak se Arsenali, i cili ndodhet në vendin e parë me 86 pikë.

Nga ana tjetër, fitorja është shumë me rëndësi për Tottenhamin për të mbajtur gjallë shpresat për kualifikim në Ligën e Kampionëve.

Për këtë ndeshje foli trajneri i Manchester Cityt, Pep Guardiola, i cili tha se kjo ndeshje do ta vendosë se kush do të jetë fitues i Premier League.

“Nëse humbim sonte, do ta humbim Premier Ligën”, ishin fjalët e Pep Guardiolas.

Ndeshja Tottenham – City fillon sonte në ora 21:00 dhe transmetohet në Super Sport Albania.