Aksident mes dy motorëve në Sllatinë, lëndohen dy persona
Dy motorë janë aksidentuar në fshatin Sllatinë, në rrugën nacionale Prishtinë- Pejë.
Këtë e ka konfirmuar zëdhënësi i policisë, Bajram Krasniqi, ku njoftoi se si pasojë e përplasjes dy persona kanë mbetur të lënduar.
“Sot, më 26.05.2024, rreth orës 16:10, policia është njoftuar për një aksident trafiku të ndodhur në rrugën nacionale Pejë-Prishtinë (fshati Sllatinë).
Njësiti policor njofton se në aksident janë përfshirë dy motorë dhe si pasojë e aksidentit dy persona kanë kërkuar ndihmë mjekësore. Njësiti policor është marrë me aksidentin duke e trajtuar atë”, tha Krasniqi.
