Mosmarrëveshja në trafik eskalon në sulm fizik në Prishtinë

Një mosmarrëveshje në trafik ka eskaluar në sulm fizik, duke shkaktuar edhe dëme materiale. Incidenti ka ndodhur pas një konflikti verbal mes dy personave, i cili më pas ka kaluar në përdorim të forcës dhe dëmtim të një veture.

Ngjarja raportohet të ketë ndodhur në rrugën “Muharrem Fejza” në Prishtinë, ku i dyshuari mashkull kosovar ka sulmuar fizikisht viktimën, po ashtu mashkull kosovar, pas një mosmarrëveshjeje të krijuar në trafik. Përveç sulmit fizik, i dyshuari i ka shkaktuar edhe dëme automjetit të viktimës.

Si pasojë e sulmit, viktima ka marrë ndihmën e parë mjekësore në vendin e ngjarjes dhe më pas është dërguar për trajtim të mëtejshëm në Qendrën Klinike Universitare të Kosovës, për shkak të lëndimeve të pësuara.

Policia ka arrestuar të dyshuarin, i cili pas intervistimit, me vendim të prokurorit është dërguar në mbajtje, ndërsa rasti po vazhdon të hetohet për sqarimin e plotë të rrethanave të ngjarjes. /PodujevaSot