E dhimbshme: 29 vjeçari që u vra ishte fejuar para një muaji

Shumë njerëz u tronditën nga lajmi se këngëtari shqiptar nga Shkupi, Amar Ismani (29-vjeç) u vra në Shkup.

Një numër i madh prej tyre kanë nisur t’i thonë lamtumirën këngëtarit në rrjetet sociale.

Ismani u vra në një përleshje masive ku mbetën të plagosur dy persona, e për ata që nuk e njihnin karakterin dhe veprimtarinë e tij, ja kush ishte Amar Ismani.

Këngëtari ishte shumë i njohur në Maqedoni, ndërsa në Instagram e ndiqnin 303 mijë persona.

Një muaj më parë ai njoftoi se u fejua, ndërsa një foto të unazës e postoi në rrjetet sociale.

Kujtojmë se incidenti i mbrëmshëm në Shkup ka nisur me debat, e më pas është kthyer në një përplasje fizike ku janë përdorur edhe armë zjarri.

Tre persona kanë përfunduar në spital dhe për fat të keq Ismani ka ndërruar jetë.