Yamal nxënës i shkollës së mesme dhe lojtar i Spanjës në Evropian

Lamine Yamal ka zbuluar se në Kampionatin Evropian do të shkojë me detyrat që i janë caktuar nga shkolla e tij.

Talenti i Barcelonës që përfaqëson Spanjën ka thënë se ai do të jetë në Euro 2024 i zënë edhe me detyrat që i janë caktuar nga mësuesi i tij, por shpreson që t’i kalojë të gjitha provimet.

“Detyrat e shtëpisë i solla këtu në Euro sepse jam në vitin e 4-të të shkollës së mesme”, ka thënë Yamal.

“Kam edhe testime dhe ato po shkojnë mirë. Shpresoj që mësuesi të mos zemërohet me mua”.

“Shpresoj që ai të më kuptoj dhe të më kalojë në testet që kam”, ka shtuar më tej talenti i Barcelonës duke qeshur. /Telegrafi/