Bulliqi: Me dhimbje të thellë mora lajmin për vdekjen tragjike e të riut nga Podujeva

Kryetari i Komunës së Podujevës, Shpejtim Bulliqi, ka reaguar me dhimbje të thellë pas lajmit për vdekjen tragjike të të riut nga Podujeva, Ngadhnjim Fetah Sheholli, shkruan PodujevaSot.

Përmes një reagimi publik, ai e ka cilësuar vdekjen e tij të parakohshme si një humbje të rëndë jo vetëm për familjen Sheholli, por edhe për miqtë dhe gjithë komunitetin e Podujevës.

“Me dhimbje të thellë mora lajmin për vdekjen tragjike e të riut nga Podujeva, Ngadhnjim Fetah Sheholli. Vdekja e tij e parakohshme është një humbje e rëndë për familjen, miqtë dhe gjithë komunitetin tonë. Ngadhnjimi do të kujtohet për energjinë, mirësinë dhe ëndrrat e tij për të ardhmen, të cilat fatkeqësisht u ndërprenë në mënyrë tragjike”, ka shprehur ai.

Në fund, kryetari Bulliqi u ka shprehur ngushëllimet më të sinqerta familjes Sheholli, miqve dhe të gjithë atyre që e njohën dhe e deshën të ndjerin.