Podujevë: Policia e Kosovës ligjëron në shkollë për varësinë nga përdorimi i telefonit

Në një bashkëpunim të frytshëm me shkollën fillore “Ibrahim Rugova”, Policia e Kosovës organizoi një ligjëratë edukative me nxënësit e klasës së 7-të, shkruan PodujevaSot.

Tema kryesore e kësaj ligjërate ishte “Varësia nga përdorimi i telefonit”, një çështje me rëndësi të veçantë në kohët moderne.

Ligjërata kishte për qëllim të informonte dhe ndërgjegjësonte nxënësit rreth rreziqeve dhe pasojave që sjell përdorimi i tepruar i telefonave.

Përfaqësuesit e Policisë së Kosovës ndanë me nxënësit informacion të vlefshëm dhe këshilla praktike për të menaxhuar më mirë kohën e kaluar në pajisjet elektronike, duke nxitur një qasje të balancuar ndaj teknologjisë.

Ky aktivitet është pjesë e një serie iniciativash të vazhdueshme për të promovuar një mjedis edukativ dhe të shëndetshëm për të gjithë nxënësit në Podujevë.