Mërgimtari i dhuron autoambulancë QKMF-së në Podujevë

Bashkatdhetari Shaban Krasniqi, i cili jeton dhe punon në Suedi, i ka dhuruar një autoambulancë Qendrës së Mjekësisë Familjare (QKMF) në Podujevë.

Kryetari i Podujevës, Shpejtim Bulliqi, njoftoi përmes një postimi në rrjetet sociale për këtë donacion të rëndësishëm, duke e falënderuar z. Krasniqi për kontributin e tij të vlefshëm.

“E falënderoj shumë z.Krasniqi për donacionin e ofruar për QKMF-në. Ky automjet do të jetë në dispozicion të personelit mjekësor për të ofruar shërbime në terren për pacientët tanë,” tha Bulliqi.

Autoambulanca do të ndihmojë në përmirësimin e shërbimeve mjekësore në Podujevë, duke mundësuar ndihmë më të shpejtë dhe efikase për pacientët në nevojë.

Ky akt solidariteti nga bashkatdhetari Shaban Krasniqi vlerësohet shumë nga qytetarët, duke përforcuar lidhjet mes diasporës dhe vendlindjes.