Kjo është arsyeja që një person u arrestua në Llapashticë

Janë të shpeshta rastet kur burrat kosovarë zbulohen për posedim të armëve në zjarrit momentin që janë të dyshuar për kryerjen e veprave tjera penale, raporton Gazeta Sinjali.

Një rast i tillë ka ndodhur orët e para të ditës së djeshme në fshatin Llapashticë e Epërme në komunën e Podujevës.

Sinjali mëson se një grua ka denoncuar bashkëshortin e saj për dhunë në familje, me ç’rast njësitet policore kanë dalë në vendin e ngjarjes.

Gjatë intervenimit ata kanë gjetur në shtëpinë e të dyshuarit një armë zjarri të llojit kallashnikov bashkë me dy karikatorë.

I dyshuari është arrestuar menjëherë dhe është shoqëruar në stacion policor për intervistim. Me urdhër të prokurorit ndaj tij është iniciuar rasti ‘Dhunë në familje’.