Familjet që kanë 3 fëmijë do të marrin shtesa 90 euro në muaj

Kryeministri i Kosovës, Albin Kurti dhe Ministri i Financave, Hekuran Murati, sot kanë publikuar skemën e re të shtesave.

Deri më tani, shtesat kanë qenë: 20 euro për fëmijët 0-2 vjeç dhe10 euro për fëmijët 3-16 vjec.

Ndërsa me skemën e re, çdo fëmijë deri në moshën 16 vjeçare do t’i marrë 20 euro në muaj.

Për familjen që ka vetëm 1 fëmi të moshës 0-16 vjeç, familja merr shtesa prej 20 euro/muaj apo 240 euro/vit.

Për familjen që ka 2 fëmijë të moshës 0-16 vjeç, familja merr shtesa 40 euro/muaj (2×20) apo 480 euro/vit.

Për familjen që ka 3 fëmijë të moshës 0-16 vjeç, familja merr shtesa 90 euro/muaj (3×30) apo 1,080 euro/vit.

Edhe fëmijët tjerë pas të tretit, shtesat do t’i kenë nga 30 euro secili.